Connect with us

A gara 3 preso cu a huy di KIA, bek den corto tempo diadomingo

Aruba

A gara 3 preso cu a huy di KIA, bek den corto tempo diadomingo


Posted on 06/12/2022 3:50 pm AST | Updated on 06/12/2022 3:52 pm AST

SANTO DI PATIA – Despues cu KIA a bati alarma pa cuarto pasa di 12 diadomingo merdia cu 3 preso a huy, a logra pone man riba nan den un tempo relativamente liher. Ta trata di dos ruman Venezolano Jose y Cesar Ventura, y e Canades Michael Gibson, cu a asesina un Canades Chines di Canada algun tempo atras na Aruba. Director di KIA Gino Winklaar despues di e suseso, a confirma na noticiacla cu enberdad a gara e tres personanan. Dos di nan, no a logra sali for di KIA si, y a logra sali solamente di unda cu nan tabata cera, pero no pasa e muraya. Un di nan, e Venezolano Cesar Ventura si a logra huy y sali di KIA mes. Pero algun rato despues, a gare mei mei di mondi pafo di KIA. Un cooperacion entre polis di diferente departamento, incluyendo K9, hunto cu e K9 Bot department di KIA mes a logra pone man riba e persona. E director mes a intermedia y a papia cu e preso, scondi den mondi, pa e entrega su mes, cual a sosode tambe. Den cuestion di 2 ora mas of menos, a logra boei e persona cu a huy, pone den boei y transporte bek paden di KIA. Potret ta cortesia di KPA. 

 

 





Source link

More in Aruba

To Top