Connect with us

A cera acuerdo p’e trahadonan di Rode Kruis tin acceso na Guarda Nos Costa

Aruba

A cera acuerdo p’e trahadonan di Rode Kruis tin acceso na Guarda Nos Costa


Dialuna mainta Minister di Husticia y Asuntonan Social Rocco Tjon a reuni cu Rode Kruis Aruba como tambe e Directrice di Rode Kruis Hulanda y Presidente di e comision di maneho di Rode Kruis di Hulanda. Durante e reunion a delinea puntonan di e convenio cu lo cera entre Rode Kruis y Guarda Nos Costa. Esaki por cierto ta e prome convenio cu Rode Kruis ta cera cu un instancia den e cuadro aki.

Segun Minister Tjon, e meta di e convenio aki ta pa yega na facilita e acceso di trahadonan di Rode Kruis na Guarda Nos Costa, pa nan por haci nan trabounan y di e forma ey tambe brinda asistencia necesario na esnan cu ta deteni na guarda nos costa en espera di nan deportacion. Di parti di Rode Kruis Hulanda a indica cu esaki ta algo unico, mirando cu Aruba ta e prome pais cu nan lo sera un convenio cune. Na mesun momento esaki ta algo cu lo facilita e funcion auxiliar cu Rode Kruis tin, pues nan ta sumamente contento cu e convenio aki. 

Por ultimo, e mandatario a splica cu banda di esey tambe a papia di un ‘needs assessment’ cu lo wordo haci na inicio di januari 2022, caminda un bureau externo lo bay facilita esaki, pa asina por logra haya cierto informacion y cierto data. Tambe a intercambia ideanan con Ministerio di Asuntonan Social por colabora mas miho cu Rode Kruis. 

Durante e reunion a delinea puntonan di e convenio cu lo bay wordo cera entre Rode Kruis y Guarda Nos Costa. Esaki por cierto ta e prome convenio cu Rode Kruis ta cera cu un instancia den e cuadro aki.





Source link

Click to comment

Leave a Reply

Your email address will not be published. Required fields are marked *

More in Aruba

To Top