Connect with us

8 y 6 aña di prison exigi pa tata y mama cu a abusa di nan yiunan

8 y 6 aña di prison exigi pa tata y mama cu a abusa di nan yiunan

Aruba

8 y 6 aña di prison exigi pa tata y mama cu a abusa di nan yiunan

(*6*)

Fiscal a baha duro

ORANJESTAD – Diabierna mainta te den oranan di merdia, den un sala di Corte di Husticia a trata e caso penal cu Ministerio Publico a cuminsa contra e dama V. y e homber Dominicano biba na Aruba T. E pareha aki ta wordo acusa cu entre April 2019 y October 2020 a viola y abusa di nan yiunan menor di edad. Ta trata aki di e yiu muher di V., y e yiu muher y yiu homber di T. Den sala di Corte tabata presente e mama di V., kende ta e wela unda e yiunan di V. ta keda y tambe e ex señora di T., cu ta mama di e dos muchanan cu a wordo abusa.

   Hues a haci interogacion hopi largo pa tin un bista cla kico realmente a sosode y tabatin momento cu T. a bira hopi emociona y hasta a lanta para. Un miembro di CEA a bay di biaha riba dje y a orden’e pa sinta y a bis’e cu e no por lanta para asina.

SOSPECHOSO TA CULPA SU MAMA

Hues a puntra V. di e acusacionnan. V. a bisa cu nada ta berdad. Hues a bisa cu tin 3 mucha cu e cosnan a sosode. Segun V. ta su mama a pone e mucha papia e cosnan aki. Tambe e ex señora di T., tin rabia riba T. Segun V. e ta kere cu su mama kier kita su yiunan for di dje. El a bisa cu por ta e no tabatin paga suficiente na su mama. Ora el a bisa esey, e mama tabata mustra cu no ta asina. Ta asina cu e mama di V. y e ex señora di T. a haci denuncia na Juni 2019 y un luna despues V. y T. a wordo deteni.

   Hues a puntra T. si e acusacionnan ta corecto. T. a bisa cu su ex casa lo a bisa su yiu pa declara contra T. pa e bay sera. Segun T. semper e mama kier pa e bay sera. Tabatin un caso den Corte caminda ta kita placanan for su salario pa mantene su yiu y e yiu di crianza.

Hues a puntra V. tocante di bela den cas. Segun V., no tabatin bela den cas y no ta haci bruheria. El a bisa cu ta su mama sa haci bruheria. Hues a bisa cu e muchanan ta papia cu tabata sende bela y pone cruz aden promer cu nan a wordo abusa. V. a bisa cu e ta kere den Dios y no den bruheria. T. a bisa cu no tin nada di bela den cas. Hues a bisa cu e ta keda straño cu e muchanan ta papia di belanan.  V. a bisa cu e sa mira su mama ta pone nomber den bela y cosnan straño pero e no.

SOSPECHOSONAN TA DESMENTI

   Hues a bisa cu e yiu muher di T. a bisa cu ora e tabata wordo abusa door di T., T. a bis’e cu e ta haci esey pa e haya suerte pa su caso den Corte. Segun T., tur e cos ey ta gañamento. T. a bisa masha hopi cos contra mama di V. y su ex señora pa mustra cu ta un trampa a haci pa e bay sera. Na dado momento el a hasta lanta para pa reclama actitud di su ex casa cu ta sinta den sala di Corte. E guarda di CEA a hala su atencion y mand’e sinta di biaha.

Hues a bisa cu un mucha a bisa cu su mama a lant’e for di soño pa e bay baña. Despues a hib’e den sala y sera porta. A duna e mucha bebe algo y a drog’e. E mucha a kere cu ta juice el a bebe. Despues T. lo a supla huma di marihuana den su cara. V. y T. a desmenti esey. Ambos a bisa cu nan ta huma marihuana pero no den presencia di e muchanan. V. a bisa cu na cas di su mama, tur su rumannan y su mama ta huma marihuana den cas. Hues a sigui bisa cu e mucha lo a bisa cu V. hunto cu T. a habri su pia y T. a tene relacion sexual cun’e. V. y  T. a bisa cu esey no ta berdad. V. cu wowo na awa a bisa Hues cu su mama a daña su yiunan. El a bisa cu su ruman homber chikito cu ta handicapped lo tabata mishi cu e muchanan.

   Hues a bisa cu segun investigacion di dokter na e muchanan, ta mustra cu lo a wordo penetra. T. a bisa Hues cu si ta asina cu su yiu muher a wordo penetra, e mama lo mester bay dun’e cuenta.

FISCAL TA HAYA CU TIN PRUEBANAN

Fiscal a bisa cu e kier ripiti palabranan di un victima di 11 aña, cu e kier husticia, pa loke su tata a haci cun’e. Na opinion di Fiscal, casonan di abuso sexual, e parti di prueba ta hopi dificil. Esaki pasobra bo tin solamente e sospechoso y e victima. Fiscal ta haya cu den e caso aki tin suficiente pruebanan di sosten.

MUCHA LO A MIRA ABUSO PASA

El a mustra cu tin declaracion di e victimanan cu ta sostene otro. Un di e victimanan tabata presente ora cu un otro tabata wordo abusa. Fiscal ta haya e declaracion di e victimanan consistente y detaya. Tambe tin declaracion di e testigonan esta e wela e ex senora di T. Di otro banda V. y T. ta desmenti categoricamente. Fiscal a bisa Hues cu e ta haya cu e declaracion di e victimanan ta confiabel. Dos di e victimanan nan declaracion ta consistente cu otro y detaya. Fiscal a menciona varios partinan di declaracion di e dos victimanan cu ta consistente y detaya. Hasta e victimanan a mira con T. lo tabata abusa di nan.

MAMA Y TATA TA CULPABEL

Fiscal a mustra cu T. y V. tabata papia cu e muchanan cu cada un lo mester modela separa caminda e cuarto ta wordo sera na yabi. E momento ey e abuso tabata tuma lugar. E relato di dokter ta mustra cu tin indicacion di abuso. A haya marihuana den e cas cu ta mustra tambe cu lo tabata supla huma di marihuana den cara di e muchanan. Fiscal ta haya legalmente proba cu T. a viola e muchanan. V. ta complice di e abusonan. Tambe Fiscal ta haya proba cu a haci actonan inmoral y penetra e muchanan. Un di e muchanan ta e yiu di T. mes y e otro mucha ta yiu di V. E otro ta un yiu di crianza di T. Fiscal ta haya proba cu e yiu di crianza tambe a wordo abusa. Segun Fiscal, investigacion ta mustra cu cada vez ora e muchanan ta baña, e abusonan ta sosode. Sea despues of durante cu tabata baña.

EXIGI CASTIGO

Pa cu e castigo, Fiscal a bisa cu e ta tene cuenta cu durante un periodo largo a viola, penetra y haci actonan inmoral di tres mucha. Esaki a sosode den un lugar cu e muchanan mester ta sinti nan mes sigur. A abusa di e confianza cu e muchanan tabatin den nan mayornan. E caso aki a causa impacto den comunidad. Fiscal ta haya cu e lamentable incidente aki, a afecta e muchanan den nan desaroyo. El a mustra cu psycologo a trata e muchanan y a menciona cu ora e muchanan a topa otro, nan a yora hopi largo y despues a papia cu otro. Esaki ta mustra cu e muchanan a keda traumatiza pa loke a pasa cu nan.

Fiscal ta tuma T. y V. na malo cu como tata y mama di e victimanan, envez di a proteha di e muchanan, a abusa di nan. Fiscal a mustra cu tin instancianan a lanta pa proteha muchanan victima y e ta duna nan razon. El a tene cuenta cu ta “first offender” y cu psicologo ta haya cu T. ta menos responsabel pa su actonan. Fiscal a exigi 8 aña di prison pa T. y 6 aña di prison pa V. E exigencia di Fiscal a cay manera un baño di awa frieu pa e sospechosonan. Hues a keda di studia e caso y dentro di algun siman lo por spera sentencia.

Source link

More in Aruba

AD

AD

IMPORTANT ANOUNCEMENT

Advertisement
Advertisement

Trending

Advertisement
Advertisement
To Top
error: Content is protected !!

Content is protected !!